Տաթև
Երբ տաղանդավոր վարպետներն ապրում են նման գեղեցիկ հողի վրա, ստացվում է այնպիսի հրաշք, ինչպիսին Տաթևի վանքն է ՝ բնության և ճարտարապետության ներդաշնակության, ոգու և մտքի դրսևորման օրինակ։ Տաթևի վանքը IX-XIII դարերի վանական համալիրն է, որը գտնվում է Որոտան գետի կիրճի ժայռերի վրա, եղել է միջնադարյան Հայաստանի փիլիսոփայական և գիտական մտքի երբեմնի խոշորագույն կենտրոնը։ Վերջերս National Geographic ամսագիրը Տաթևի վանքը ներառել է աշխարհի 10 ամենագեղատեսիլ զբոսաշրջային վայրերի ցանկում: Հատուկ հաճույք է դեպի վանք թռիչքը «Տաթևի թևեր» ճոպանուղով, որն աշխարհում ամենաերկար հետադարձ ճոպանուղին է, վերջինս ձգվում է մինչև 320 մ բարձրության վրա գտնվող կիրճի և բլուրների վրայով:
Շաքիի Ջրվեժ
Շաքիի ջրվեժը համարվում է Հայաստանի ամենագեղատեսիլ ջրվեժներից մեկը։ Այն գտնվում է Սյունիքի մարզում և 18 մետր բարձրությունից գահավիժում է խորը կիրճ։ Չնայած իր փոքր բարձրության, ջռի շլացուցիչ ձայնը լսելի է անգամ հեռվից:
Խնձորեսկի Քարանձավներ
Խնձորեսկի քարանձավներում մարդիկ շատ երկար են ապրել, քանի որ Հին Խնձորեսկը կառուցվել է երկու բլուրների լանջերին, որտեղ գյուղերի կառուցման համար հարթ տեղանք չի եղել։ Այլ ելք չգտնելով, մարդիկ ստեղծել էին մի փոքր բնակելի գոտի բոլոր անհրաժեշտ գործառույթներով:
Արենի
Արենին Վայոց ձորի հին և նշանավոր գյուղերից է։ Գյուղում կան հնավայրեր, մի քանի ավերված գյուղատեղիներ, արձանագրություն ունեցող բազմաթիվ խաչքարեր ու գեղեցիկ քարայրներ՝ Մագիլի և Թռչունների։ Արենին հարուստ է նաև բնությամբ`ժայռերով, անդնդախոր ձորերով, ջրվեժներով։